Andleysi.

Ég er svo gjörsamlega andlaus þessa dagana að ég hef ekki einu sinni haft mig í að skrifa færslu í dagbókina mína.  Ég hef hinsvegar haft gaman af því að fara  inn á heimasíðuna mína og fara hérna hægra megin í "Sjá allar færslur" og skoða þar gamlar dagbókarfærslur. Það er jú tilgangurinn með svona dagbók að geta rifjað upp eitthvað sem er löngu liðið og oft hef ég leitað í þessum færslum til þess að sjá nákvæmlega hvenær þetta eða hitt átti sér stað. Myndaalbúmin mín kíki ég líka oft á og rifja upp skemmtileg ferðalög og samverur.

Ég gríp mig hinsvegar nú orðið oftar oftar í að fara á Facebook til þess að kíkja þar á hvað er á döfinni hjá vinum mínum og vandamömmun.  Mér finnst það mjög skemmtilegur vettvangur og þar eru miklu fleiri en ég nokkurntíman hafði samskipti við á heimasíðunni, en mér finnst Facebook samt einhvern veginn ekki eins náin og heimasíðurnar og oft ber mest á  Quiz-um og myndböndum en minna á raunverulegum samskiptum.  Ég hef nú reyndar mjög gaman af mörgum þeim mmyndböndum sem þar eru, en stundum finnst mér allt of mikið af slíku á kostnað samskiptanna.

Jæja ég ætlaði nú ekkert að fara að nöldra, en þetta eru bara vangaveltur mínar þennan sunnudagsmorgun.
Ég vona að það fari að styttast í bakaðgerðina svo ég geti farið að hlaða batteríin almennilega og fái aukna andagift. Kannski að ég fari þá að kunna betur að meta Quizið og Quazið sem Facebókin býður upp á.

 Ég sendi góðar kveðjur út og suður.