Ferðasagan okkar – fyrsti hluti

Við vorum svo heppin að hann Eiki tengdasonur Hauks tók á móti okkur í Billund til þess að aka bílaleigubílnum okkar niður í Vemmingbund. Það var ausandi rigning og komið myrkur svo við vorum aldeilis fegin að þurfa ekki að vera að villast þarna alla nóttina og húsið í Vemmingbund hefðum við aldrei fundið fyrr en við dagsbirtu. 

Þegar við, eftir nærri tveggja tíma akstur komum í húsið var Hulla, sem hafði sótt lyklana áður en hún fór á kvöldvakt á elliheimilinu, búin að setja utanum rúmfötin, kveikja upp í arninum og steikja handa okkur nautasteik. Það gat því ekki verið yndislegra hjá okkur að koma í húsið.

Fyrstu dagana var veðrið ekkert sérstakt, blautt og fremur kalt svo við notuðum tækifærið og ókum um til að átta okkur á umhverfinu. Fórum í matarboð til Hullu og Eika í Bojskov og fórum í Gråstein og skoðuðum m.a. pappírssafnið, en þar er þessi mynd tekin.

Svo Síðan fór nú heldur betur að lagast veðrið og sólin braust fram úr skýjunum. Hitinn hækkaði svo með hverjum deginum sem leið þar til við fórum heim en þá var hann kominn í 25°.

Þessa mynd tók ég af dögun einn morguninn sem ég vaknaði fyrir klukkan fimm. Myndin er tekin út um dyrnar á veröndinni hjá okkur.

Hér koma svo nokkrar fjölskyldumyndir

Hulla, Atli Haukur og Lena  og svo er þessi af Dönu Maríu og Hönnu vinkonu hennar.

Haukur með Hugljúfu sinni  og svo koma pjakkarnir Atli Haukur, Júlli og Jói minnsti prinsinn

Þessi ferð var svo vel heppnuð og húsið sem við leigðum hreint og fallegt og umhverfið alveg yndislegt. Ég ætla ekki að hafa þetta lengra í bili en set kannski inn smá texta með myndum af fallegum stöðum næstu daga því nóg er af myndunum.

En þennan fyrsta pistil ætla ég að enda með með mynd af Eika og strákunum þar sem þeir sitja í rjóðri strákanna á heimili þeirra í sveitinni í Bojskov. Þarna eiga strákarnir sinn kofa og eldstæði og þegar vel viðrar les Eiki framhaldssöguna fyrir þá þarna við varðeldinn.