Nú er Vetur konungur formlega genginn í garð og þó hann hafi ekki mætt með neinum látum þá lét hann vita af komu sinni með köldum gusti en Sumar drottning virðist hins vegar eitthvað hafa ruglast í ríminu og veit ekki hvort hún er að fara eða koma. Hún er núna loksins að koma með sólardagana sem við biðum með óþreyju í allt sumar, a.m.k. hér sunnan heiða. Við skulum vona að hún verði ekki svona ráðvillt og lasleg þegar hún mætir á Suðurlandið í vor svo við fáum notið alls þess besta sem hún hefur uppá að bjóða.
Mér datt í hug að taka aðeins myndir í garðinum
í tilefni þess að það er fyrsti vetrardagur í dag.
Það er alls ekki svo vetrarlegt um að litast.
í tilefni þess að það er fyrsti vetrardagur í dag.
Það er alls ekki svo vetrarlegt um að litast.
… og enn eru að springa út rósir á pallinum.
Ég þakka ykkur öllum fyrir skemmtilegheitin í sumar
og hlakka mikið til vetrarstundanna með ykkur.
og hlakka mikið til vetrarstundanna með ykkur.
Góðan og gleðilegan vetur!
Takk fyrir sumarið sömuleiðis elsku Ragna:) Hugsaðu þér..23.okt og enn koma rósir!
Blómlegt.
Þrátt fyrir að vetur konungur er genginn í garð er alltaf blómlegt í Rögnugarði. Takk fyrir sumarið. En blátt lítið blóm eitt er sem þarf að komastí fóstur. Er pláss?
Blátt lítið ….
Þú mátt hvísla því afi, að litla bláa blóminu að það sé velkomið í Rögnugarð.
Hrætt
Hætt er við að blóminu bláa sé ekki vel við að ferðast aleitt með rútinni. ??
Fuglinn fljúgandi
Satt segir afi. Ætli ég verði ekki að semja við fuglinn fljúgandi og biðja hann um að taka það í nösina sína, hann getur fengið hjá mér korn að launum í vetur.
Þakka fyrir og sömuleiðis elsku Ragna..
Vetur konungur
Það er ekki að sjá að veturinn sé kominn hjá þér, einstaklega fallegur gróður í kringum þig. Ég óska þess að veturinn fari mildum höndum um þig og þakka þér fyrir góð samskipti á liðnu sumri.
Mikið eru nú rósirnar fallegar hjá þér Ragna og í dag er kominn snjór, leiðinlegt…en vonandi verður veturinn mildur og eitthvað af birtu handa ykkur, hér er byrjað að rigna og bændur að vonum kátir, kveðja, Gurrý