Nú er bara rúmur hálfur mánuður þangað til barn Sigurrósar og Jóa á að fæðast. Ég var því fegin á föstudaginn að vera orðin mun betri af flensunni og gat farið með Guðbjörgu, Karlottu og Ragnari í bæinn, en Guðbjörg var að fara með fullt af barnafötum og öðru sem hún er að lána systur sinni. Hún var líka að hjálpa henni með ýmsa hluti eins og að klára að setja saman kommóðu fyrir barnafötin og fleira.
Í dag fórum við Haukur svo sömu erindagjörða, fara með skiptiborð og lítið hvítt rúm og Haukur var að klára að setja saman skúffuskáp undir vélarnar í þvottahúsinu sem Guðbjörg var byrjuð á á föstudaginn en náði ekki að klára vegna tímaskorts.
Þessi skemmtilega mynd af þeim hjónunum var tekin af ljósmyndara fyrir svona mánuði
Það er greinilegt að lífið hér er að komast í fastari skorður eftir að ég komst á fúkkalyfið og vonandi fer ég að hafa meira úthald til þess að setjast við tölvuna.
Læt þetta duga í bili og bið ykkur vel að lifa.
Æðisleg mynd. Og stor kúla. Mikið skil ég að þig hlakki til 🙂
Gott að þú ert að hressast, farðu nú vel með þig svo þú náir að hressast að fullu.
Kossar og knús héðan.
Þetta er falleg mynd af fallegu fólki:)
Háspenna
Tíminn líður hratt og brátt verður spennufall. Eintóm lukka.
hej
hæ amma og afi.
Ég er kominn með blogsíðu.
Hafi þið það gott.
Kveðja Júlíus
Flott kúla!
Já hún er myndarleg bumban og Sigurrós lítur mjög vel út. Ég ætla að spá því að hún gangi með þrjá daga fram yfir og ég fái skemmtilega afmælisgjöf… 😉 Farðu vel með þig Ragna mín!
Flott mynd
Mig langar bara að segja, „þetta er fallegasta óléttumynd sem ég hef séð“ alveg frábær.
Kær kveðja Þórunn