Ég er búin að sitja hérna og eyða allt of löngum tíma í að skrifa færslu um þrjú atriði sem ég byrjaði á að taka mér fyrir hendur í gær og öll fóru út um þúfur. Ég hélt nú að máltækið væri "Allt er þá þrennt er" en þegar ég ætlaði að fara að smella á að staðfesta færsluna áðan, þá hef ég rekið mig í eitthvað því síðan datt út og þegar ég ræsti hana upp aftur var allt horfið.
Ég er sko ekki í stuði að byrja á færslunni aftur, get bara alls ekki hugsað mér það. Ég ætla heldur að nota tímann og byrja á því sem ég ætlaði að gera í gær og nú skal það sko takast betur. Nú gildir ekkert annað en að fara í Pollýönnugírinn.
Elskurnar mínar njótið vel helgarinnar.
Nú fara heimilin að anga af bökunarlykt og
það styttist óðum í að ljósaseríur lýsi upp skammdegið.
Verum bjartsýn og gerum hvern dag góðan.
Draugagangur?
Hvað er í gangi? afi sendi þrjú mail í gær þar á meðal eitt til Danmerkur. Ekkert þeirra komst til skila. Þar að auki hurfu þau líka útúr tölvunni hans afa. Varð að byrja upp á nýtt í dag. Þá gekk rófan.
Svona lagað er náttúrulega óþolandi. Kannski fer maður hringinn og fer að skrifa með sjálfblekungi og nota póstinn! Úff. Kærust kveðja og góða helgi.
Eigðu góða helgi Ragna mín kær.
Hlakka til að lesa næsta pistil, sem vonandi fer heill höldnu gegnum netið: )