Það er mjög gott að eiga þessar kökur til að útbúa úr þeim rjómakökur. Þá eru lagðar tvær saman með rjóma á milli, en auðvitað er líka hægt að hafa bara rjómann sér þá getur hver og einn ráðið hvort hann vill með rjóma eða ekki. Einnig er hægt að vefja þeim í kramarhús og láta þær kólna þannig. Síðan má setja rjóma í kramarhúsið. Hugsanlega má bæta einhverju í rjómann, t.d. súkkulaðispænum, ávöxtum eða öðru. Sem sagt ýmsir möguleikar
| 1 bolli Sykur 1 bolli Haframjöl 1 bolli Hveiti 175 gr. Smjör eða smjörlíki 1 tsk. Lyftiduft ¼ bolli Sýróp ¼ bolli Rjómi Vanilludropar.  |
1.Þurrefnunum blandað saman í skál 2. Bræddu smjöri (smjörlíki), sýrópi, rjóma og vanilludropum hrært saman við. 3. Sett með teskeið á plötu.Baka við 180° í ca. 5 – 7 mín. Mér hefur fundist betra að baka eina plötu í einu í miðjum ofni, á blæstri eins og allt sem ég baka.Ath: Kökurnar renna talsvert mikið út og verða þunnar. Taka þær mjög varlega af plötunni ekki alveg um leið og hún er tekin úr ofninum. Láta nokkrar sekúndur líða. |