Ég var búin að koma mér svo vel fyrir og lá í mestu makindum í sólbaði hérna eftir hádegið í gær þegar Haukur ákvað að við yrðum að hreyfa okkur eitthvað og best væri að fara í smá fjallgöngu. Ég var fyrst að hugsa um að vera bara heima en dreif mig svo með grautfúl. En þetta var alveg stórkostlega fínt. Við ókum að Búrfelli hérna í Grímsnesinu og gengum upp á næstefsta hjallann. Við hefðum nú farið alla leið ef ekki hefðu verið að hrúgst inn svört ský sem við áttum von á að opnuðust yfir höfðum okkar þá og þegar (góð afsökun er það ekki). Ég var nú alveg hissa hvað ég komst því ég var að uppgötva það að síðan ég flutti á Selfoss þá geng ég aldrei upp brekkur því hér er allt slétt en þegar ég átti heima á Kambsveginum þá fór ég alltaf ákveðinn hring niður í Laugardal og á heimleiðinni þá gekk ég alltaf annaðhvort upp brekkuna hjá Áskirkju eða upp Brúnaveginn. Ég var hinsvegar svo þreytt þegar ég kom heim að ég bara lak hálfsofandi niður í Lazyboy stólinn minn. Drattaðist svo upp til þess að borða þegar Haukur var búinn að elda, lak svo aftur niður í stólinn og svaf allan fréttatímann en reif mig svo upp úr vesaldómnum og við skruppum aðeins yfir til Eddu og Jóns og sátum með þeim úti og horfðum á sólarlagið. Það er greinilegt að það þarf að setja svona fjallgöngur aftur á dagskrá til þess að auka úthaldið. Við vorum svo svakalega dugleg við þetta hérna áður.
Uppskriftir
Orðabelgur
- koparhylki hrærivél um Vangaveltur um fullkomleikann.
- Kjartan J Hauksson um Vestfjarðarferð 3. hluti.
- ERICA um Górillan í sveitinni – gömul minning.
- magga um Önd í appelsínusósu – Pússlað úr ýmsum áttum – mjög gott.
- evaevahauksdottir um Gamla góða bloggið mitt vanrækt.
Flokkar
- Árin í Englandi. (2)
- Fjölskyldustundir. (2)
- Gamla ástarsagan og ýmislegt henni tengt.. (10)
- Helstu fréttir. (35)
- Hugleiðingar mínar (29)
- Sárar minningar (1)
- Ýmislegt (130)
apríl 2024 M Þ M F F L S « sep 1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30
dugnaðarforkur
Didda mín,
Gaman var að lesa fjallgöngusöguna þína.
Ég held að 10 trylltir hestar hefðu ekki fengið hana vinkonu þína upp úr lazy-boy stólnum til að ganga á fjall. Ég hefði kanski verið til í að spássera um láglendið á Selfossi. Ég hef það mér til afsökunar að ég er svo skrambi lofthrædd. (ágæt afsökun. Annars allt gott. Langaði bara aðeins til að leggja orð í belg.
kær kveðja til Hauks
þín eddagg