Eplakaka NLFÍ

Nú er ég kannski að gera eitthvað sem ég má ekki, með því að birta þessa uppskrift hérna. Ég veit nefnilega að hún er upprunalega frá Heilsuhæli NLF’I og ég hef ekki beðið um leyfi. En, ég verð þá bara að taka afleiðingunum

Kakan er allt of góð til þess að leyfa ekki fleirum að njóta.

Eplakaka (NLF’I).

250 g smjör
3 egg

250 g. púðursykur
2-3 græn epli

250 g heilhveiti
2 msk kanel-púðursykur

1 tsk lyftiduft

Hrærið smjör og púðursykur saman í hrærivél. Bætið eggjunum út í og að lokum þurrefnunum. Smyrjið kökuform og setjið deigið í það. Skrkælið, kjarnhreinsið og skerið eplin í báta og stingið ofan í deigið. Stráið kanel-púðursykrinum yfir. Bakist við 170°C í 35-40 mín. Berið fram með þeyttum (alvöru)rjóma.