Í dag á hún Karlotta ömmustelpan mín 9 ára afmæli. Hún fær heimsins bestu afmæliskveðjur og amma hlakkar til að koma í afmæliskaffið sem verður, ef mamma verður ekki komin á fæðingardeildina. Afmælismálum í fjölskyldunni er nefnilega þannig háttað að í gær 18. mars átti Ragna tengdamamma Guðbjargar minnar afmæli, í dag 19. mars á Karlotta afmæli, og á morgun 20. mars er svo afmælisdagur Guðbjargar og hver veit hvern daginn litli bumbubúinn velur sér sem sinn afmælisdag.
Þessi mynd er tekin af Karlottu í vetur á samspili í tónlistarskólanum.
Og hérna er hún Ragna nafna mín, sem fær mínar bestu kveðjur í tilefni gærdagsins.
Myndin er tekin á Spáni s.l. sumar á gömlu myndavélina mína og er því óskýr eins og flestar myndir sem ég tók á þá vél.
Til hamingju með þau öllsömul. Og nú fer nýjasti meðlimurinn að koma í heiminn-yndislegt og spennandi.
Við Jói bíðum spennt eftir að komast í afmæliskaffið á Selfossi og okkur finnst auðvitað að bumbubúinn eigi að láta sjá sig áður en við förum aftur til Reykjavíkur 😉
En gaman Sigurrós mín! Kannski ég fái þá loksins að hafa ykkur í nokkra daga. 🙂
Til lukku með ömmustelpuna 🙂 Vá hvað tíminn líður hratt.
Bestu kveðjur héðan