Hún Sigurrós mín sendi mér þennan texta í gær og mér finnst hann svo fallegur að ég má til að leyfa fleirum að njóta.
Gömul kínversk kona átti tvo leirpotta sem hún hengdi hvorn á sinn endann á langri stöng sem hún bar á öxlum sínum. Á hverjum degi sótti hún vatn langa leið í uppsprettu fjarri heimilinu. Annar potturinn var sprunginn eftir endilöngu og var því aðeins hálffullur þegar heim kom. Hinn potturinn var fullkominn og skilaði sér alltaf fullur af vatni eftir þessa löngu leið heim að húsinu. Svona gekk þetta í tvo ár, daglega gekk gamla konan með pottana að uppsprettunni og daglega kom hún heim með aðeins einn og hálfan pott af vatni.
Auðvitað var fullkomni potturinn ánægður með sína frammistöðu en sprungni potturinn skammaðist sín og leið mjög illa þar sem frammistaða hans var aðeins til hálfs við það sem hann var skapaður til að gera.
Eftir tveggja ára vinnu talaði hann til konunnar við uppsprettuna. "Ég skammast mín fyrir frammistöðu mína, vegna sprungunnar á hlið minni lekur helmingurinn af vatninu burt á leiðinni heim. Þú ættir að henda mér og fá þér nýjan pott.,,
Gamla konan brosti, "Hefur þú tekið eftir að þín hlið við götuna er blómum skreytt á meðan engin blóm vaxa hinum megin götunnar?
Það er vegna þess að ég hef alltaf vitað af þessum galla þínum og þess vegna sáði ég fræum á þinni hlið götunnar og á hverjum degi þegar við göngum heim vökvar þú blómin mín. Ég hef um árabil getað týnt þessi fallegu blóm og skreytt heimili mitt með þeim. Af því að þú ert eins og þú ert þá hef ég fengið að njóta fegurðar blómanna.
Það er eins með okkur manneskjurnar, enginn er gallalaus. En það eru gallarnir og sprungurnar sem gera hvern og einn einstakann. Þess vegna er svo spennandi að kynnast og eyða ævinni saman. Við þurfum bara að læra að taka hverri manneskju eins og hún er og sjá jákvæðu hliðarnar hjá hvort öðru.
Mér hefur alltaf líkað betur við það fólk sem viðurkennir galla sína og mistök fram yfir þá sem segjast hafa allt á tæru og þurfa ekki neitt frá neinum..falleg saga.
Mikið er hún góð kínverska sagan frá ykkur mæðgum.Einnig var ég að lesa um unga manninn í ömmu og afa húsi og gat ekki varist brosi því lýsingin var svo ljóslifandi.En mikið er gott qað vita hvað hann á góða ömmu og afa í nágrenninu.Kær kveðja frá okkur hérna norðan heiða.
Gaman að sjá að sagan snerti þig líka 🙂 Ég fékk þetta frá tengdamömmu og bara varð að senda áfram!