Það er alltaf öðru hvoru sem gullkorn rata af munni barnanna.
Mér er t.d. alltaf minnisstætt þegar Guðbjörg mín var lítil og hafði lent í einhverjum hremmingum sem ég man nú ekki lengur hverjar voru, en ég man alltaf svarið hennar þegar ég spurði hvort hún hefði ekki orðið hrædd " Nei,nei ég náttúrulega beit bara í axlirnar og ….."
Í gær var Karlotta eitthvað að spá í það hvar hún hefði átt heima frá því hún fæddist.
Samtalið okkar var á þennan veg:
"Sko amma, fyrst áttum við heima í ræsinu"
"Hvað segirðu barn í ræsinu? "
" Já þegar ég fæddist þá áttu pabbi og mamma heima í ræsinu"
"Veistu hvað ræsi er, það er þar sem gatan kemur að gangstéttunum og safnast rusl og óþverri í og stundum er talað um að fólk sé alveg í ræsinu en það er ólánsfólk sem hvergi á heima og lifir bara á götum úti"
Mín varð svolítið skrítin á svipinn og sagði svo:
"Æ amma, hvað heit það sem er þarna efst á sumum húsum?"
"Það heitir ris Karlotta mín og í Guðs bænum segðu engum að pabbii og mamma hafi átt heima í ræsinu þegar þú fæddist".
Svo hlógum við báðar að vitleysunni.
Hátt uppi
Risíbúð, það var nú eitthvað betra en ræsið.
Sæl Ragna, það er orðið langt síðan ég lagði orð í belginn, þó hef ég kíkt nokkrum sinnum en alltaf eitthvað komið uppá þannig að ekki var kvittað í það skiptið. Já krakkar geta verið svo einlæg og skemmtileg þegar þeim mismælist svona…eins gott að upplýsa ekki fjöldann um það að foreldrarnir voru í ræsinu hahaha..getur það verið að börnin eru farin að bera fram íslensku orðin með enskum framburði? Þ.e. ris=ræs??
Það passar vel við ræsisþemað að ég sagði lækni á Slysó þegar ég var 12 ára að pabbi minn væri öreigi. Hann varð hvumsa fyrst en áttaði sig fljótt á að ég var í raun og veru að meina öryrki…
Við Karlotta erum góðar saman 😉
Yndislegt. Hvað er einn sérhljóði á milli vina?
Alveg yndislegt samtal!!
Snilld..
Gullkorn barnanna
eru alltaf yndisleg!
Kveðja. Anna Sigga
Bráðskemmtilegar sögur 🙂