Fyrsti viðkomustaður í sunnudagsbíltúrnum okkar í dag var í bústaðnum hjá systur minni og mági. Hún tók ekki annað í mál en að baka pönnukökur og þeyta rjóma handa gestunum sem nutu vel í fallegu umhverfinu.
Sólin var orðin lágt á lofti þegar við komum aftur á Selfoss
hér sést hún aðeins kyssa Ölfusána.
Við fórum í smá bíltúr um Selfossbæ og skoðuðum nýjustu húsahverfin. Síðan datt Hauki í hug að við færum á Stokkseyri og fengjum okkur humarsúpu í Fjöruborðinu. Þessi myndi var tekin á leiðinni þangað.
Og svo var þessi skemmtilega lesning á stóru skilti fyrir utan veitingastaðinn.
Þegar við komum heim þá fengum við okkur Iriskaffi svo það er ekki hægt að segja annað en að við höfum notið lífsins listisemda í dag. – Fínn dagur.
Glæsilegt
Ekki amalegur sunnudagur. Svona ættu allir sunnudagar að vera. Sem fyrr eru myndirnar flottar og fínar.
Ekki amalegt
Það er nú alltaf notalegt að hafa viðkomu í Eddukoti.
Kveðjur úr kvefabælinu
Guðbjörg
Sannkallaður „Hvíldardagur“
Ég er sammála svona eiga sunnudagar að vera, nærandi fyrir sál og líkama. Mikið er þetta hlýlegt eldhús hjá henni systur þinni og pönnukökurnar girnilegar.
Já, það hefur alltaf verið bæði fallegt og girnilegt í kringum hana systur mína.
Frábær sunnudagur og gjörsamlega nostrað við ykkur.. Meira að segja veðrið hefur verið verið svona gott bara út af bíltúrnum ykkar..
Rosalega fallegar myndir..
Góð uppskrift að góðum degi!
Og myndirnar eru frábærar! Farðu vel með þig Ragna mín!
Ahhh sunnudagar eru svo skemmtilegir, greinilega vel notaðir hjá ykkur. Ég hef líka skroppið í humarsúpu þarna fyrir austan og það var sko yndislegt. Gaman að sjá myndirnar líka, kveðja, Gurrý