Nú er ég í tilhlökkunargír.
Fyrst hlakka ég auðvitað mikið til komu nýja barnabarnsins sem á að fæðast um miðjan mánuðinn.
Síðan lagðist ég yfir það í tölvunni að leita að heppilegri ferð fyrir okkur gamla fólkið út í heim í vor. Staðurinn þarf að vera fallegur með góðu veðri þar sem hægt er að fara í gönguferðir og hlaða batteríin eftir langan og leiðinlegan vetur.
Eftir nokkra leit lenti ég inn á vef Úrvals- Útsýnar 60+ þar smellti ég mér inn á Tenerife. Til að gera langa sögu stutta þá drifum við í því, eftir nokkra leit að góðu hóteli sem býður hálft fæði svo sú gamla þurfi ekkert að vera í eldhúsinu, að bóka okkur þangað seinni partinn í apríl og við vorum svo heppin að fá síðustu sætin í 20 daga ferðina. Haukur er að hætta að vinna í vor og við ætlum að halda upp á það með því að fara í þessa ferð. Sigvaldi danskennari er fararstjóri og skemmtanastjóri svo við eigum von á því að geta fengið okkur snúning og svo er morgunleikfimi alla morgna. Hljómar þetta ekki vel?
Þegar heim kemur bíður svo auðvitað íslenska sumarið með sínum vorverkum í garðinum og á pallinum. Það hlýtur að verða gott veður í sumar eftir rigningarsama sumarið í fyrra.
En nú er ég sem sagt upptekin af því að hlakka til.
Bókin góða um hamingjuna býður okkur upp á þessa lesningu í dag:
Fuglar sem syngja hver í kapp við annan
svo að loftið titrar af skrýtnum og ósamstæðum
hljómum og takti vekja mér þrá til að slást í hópinn.
—————————
Þið sem eigið hjá mér hugsæti,
GÓÐA HELGI OG LÍÐI YKKUR VEL.
Er ekki hissa á að þig hlakki örlítið til vorsins.. Hef ekkert nema gott heyrt af þessu stað..
Þú kemur alveg endurnærð heim aftur í sumarið á Íslandi, tilbúin í garðverkin..