Ég óska honum Magnúsi Má tengdasyni mínum innilega til hamingju með afmælið. Svo er þetta líka skírnarafmæli Ragnars Fannbergs en hann var skírður á afmælisdegi pabba síns.
Ég hugsa mikið til þeirra feðga í dag. Nú kemur tengdó ekkert í afmæliskaffi í Grundartjörnina, enda allt á kafi í snjó eina ferðina enn. Það var samt á dagskránni að koma austur því við eigum sumardekkin okkar í geymslu á Selfossi og töldum að það væri komið að því að sækja þau og setja undir bílana í staðinn fyrir fjárans nagladekkin.
Í gær sat Haukur hérna úti á svölum í sólbaði og við töluðum um að sumarið væri bara komið. Síðan brá okkur í brún í morgun þegar þriggja tommu snjór var kominn yfir allt. Já svona er nú Ísland í dag þegar sumardagurinn fyrsti er á næstu grösum.
ammli!
Til hamingju með daginn, en það er komið nóg af vetri og snjó. Kveðja í bæinn.
Þakkir
Þakka kveðjurnar tengdamóðir sæl. Það er svona að flytja frá hinu græna og veðursæla Suðurlandsundirlendi og á þennan útkjálka sem höfuðborgarsvæðið er, opið við veðri og vindum – hah ha.