Tókuð þið eftir fréttinni hérna á Mbl.is í morgun um það að kennarar í bænum Harold í Texasríki hafi fengið leyfi til þess að bera byssur við kennslustörfin til þess að geta varið sig ef til skotárásar kemur á skólalóðinni.
Þar sem ég er móðir tveggja kennara þá brá mér við þennan lestur. Það vona ég að Guð gefi að aldrei verði þörf á slíku hér á landi.
Alveg er það skelfilegt að svona leyfi hafi þurft að veita að gefnu tilefni. Það eru nefnilega alltaf að koma fréttir um skotárásir í skólum þarna ytra, en það sem mig undrar hinsvegar mest, er hversu auðvelt það virðist þessu unga fólki að komast yfir skotvopn . Mér finnst óhugnanlegt hvað byssueignin er almenn og hve kæruleysislega virðist haldið utan um vörslu skotvopna á heimilum. Það virðist ekkert mál fyrir börn og ungmenni, þegar slík örvinlan og brjálæði grípur þau og ekkert annað kemst að en að fara með byssu í skólann sinn og skjóta þar á allt kvikt, að þau skuli geta gripið byssu eða byssur með sér eins og ekkert sé.
Æ, þetta truflaði mig á annars ágætum degi.
Fréttin er hér. http://mbl.is/mm/frettir/erlent/2008/08/16/kennarar_fa_ad_bera_byssur_i_texas/
Einhvern veginn held ég að sú staðreynd að kennararnir séu með byssur ýti einungis undir að nemendurnir mæti vopnaðir. Held að þetta geti ekki verið farsæl lausn 🙁
Mikið er ég sammála Sigurrós. Þetta á aldrei eftir að fara vel.
Svo var ég að skoða myndina af „hóst“ skólastúlkunni!
Er þetta ekki grín???
Fötin líta út fyrir að hafa verið í tísku 1967 og verðið er þannig að ef ég ætti fyrir pilsi og skyrtu í þessari búð, ætti ég það mikið af peningum að ég gæti komið með strákana mína til Íslands um jólin. 🙁
Tek undir með Sigurrós – að kennarar mæti vopnaðir í skólann getur varla talist góð fyrirmynd né skilaboð til nemendanna – þvílík fásinna!